Plantun de Prouvènço

Pèr coumpara dos planto d'encò nostre

Orobanche minor & Polypogon viridis

Orobanche minor

Orobanchaceae

Noms en français : Petite Orobanche, Orobanche du trèfle.

Descripcioun :
L'asperjo-sóuvajo dóu gènre Orobanche, se rescontro sus li camin, dins lis ermas e li tepiero seco. Sa coulour èi proun chanjadisso, souvènt brunello emé de vióulet amé la tijo jauno coume eici o quàsi sènso coulour. Fai partido dóu group qu'a de péu glandoulous clar emé un estigmate rouginas. Lis estamino soun estacado de 2 à 3 mm de la baso de la flour e li fueio en escaumo soun en lanço (< 2 cm). Parasito forço planto diferènto (poulifajo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Brunello
Petalo : irreguliero
Ø (o loungour) flour : 13 à 20 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Abriéu à juliet

Liò : Camin - Ermas - Tepiero seco
Estànci : Termoumediterran à Coulinen
Couroulougi : Eurimediterrano
Ref. sc. : Orobanche minor Sm., 1797

Co-de-lèbre(-verdo)

Polypogon viridis

Poaceae Graminaceae

Nom en français : Polypogon vert.

Descripcioun :
La co-de-lèbre-verdo trachis en coulounìo dins li limas de ribiero e li roubino. Fai de fiéu (estouloun) que prènon eisamen racino i nous. Se recounèis à sis enflourejado en paumo ramado, verdo pièi un pau vióuleto, touto cuberto d'espigueto. Acò permès de la destria de la treinasso, Agrostis stolonifera, ço qu'èi pas toujour eisa. Pensas tambèn de regarda la lengueto qu'èi eici pu courto. Apoundèn qu'eici la lemma e la palea soun quàsi tant grando.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 80 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Polypogon
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 3 à 6 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à setèmbre

Liò : Ribiero - Limas - Roubino
Estànci : Termoumediterran à Coulinen
Couroulougi : Subretroupicalo
Ref. sc. : Polypogon viridis (Gouan) Breistr., 1966

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Orobanche minor & Polypogon viridis

Coumpara Asperjo-sóuvajo emé uno autro planto

Coumpara Co-de-lèbre(-verdo) emé uno autro planto